Het jy die laaste 3 weke gevoel dinge vloei nie lekker nie? Mense verstaan mekaar verkeerd en jou planne loop aanmekaar skeef?
Mercury was retrograde! En hy is die outjie wat verantwoordelik is vir alles wat beweeg. Van woorde, internet, kontrakte, planne en voertuie.
Dankiebly hy het gister vorentoe beweeg. Die dinge behoort nou beter te vloei.
Saam met dit het ons ‘n nuwe Maan gehad laasnag in Ram. Dis ‘n lieflike oomblik om daai plan wat lankal wil gebeur maar ook nie gebeur, nou ‘n volsterkte skop te gee. Uranus is deel van die nuwe Maan, dis die ou wat vryheid en kreatiwiteit bring. Hy mag dalk verseker dat daar skielik dinge gebeur wat jou plan laat vloei. Informasie wat die deurslag gee om te fokus en die nuwe begin te maak wat jy lankal oor wonder.
Dans saam en gee dit jou alles, die Universele energie is om dit wat vassit nou los te breek en aan die gang te kom!
As jy wil weet waar hierdie in jou lewe spesifiek sal manifesteer... kontak my, en ons kyk na jou kaart.
